Қаланы қаптап бара жатқан қоқыс

Қоршаған ортаны қастерлеу және оның тазалығына аса мән беру патриоттықтың бір белгісі. Айтпағымыз, Сарыағаш қаласының көркін бұзып жатқан күл-қоқыстың көлемі артып келеді. Бұл жағдайда не істеу қажет? Бұл сұрақтың жауабын жауапты сала мамандарынан сұрап көрдік.

Сарыағаш қаласының көшелерін бойлай жүрсеңіз, жол жиегінде сұрықсыз болып жатқан қоқысты байқайсыз. Қаптап кеткен пластик бөтелкелер мен түрлі тұрмыстық қалдықтар… Одан бөлек бұл көрініс көп қабатты үйлердің алдында да кездеседі. Мұның тез арада шешімін таппаса болмас. Осыны ескере отырып, Сарыағаш қаласы әкімі Мұхит Досболовтың жұмыс орнына бардық.

Мұхит Досболов, Сарыағаш қаласының әкімі

Бұл бастама тез арада нәтижесін берді. Қаламызда орналасқан №1 көпқабатты үйдің ауласындағы қоқыс тастау орнын қайта қалпына келтіріп, айналасына жайылған қалдықтар тазаланды. Ал, бұл жайттың орын алуына тазалық қызметкерлерінің жұмысқа немқұрайлылық танытуы себеп пе немесе тұрғындардың өзі кінәлі ме? Мәселенің мән жайын білу үшін көше төрайымымен сұхбаттастық.

Тұрғаш Есенаманова, Көше төрайымы

Қоқыс тастау орнының қалыпқа келтірілуіне атсалысып отырған «Сарыағаш тазалық» ЖШС қызметкерлерінің сөзіне сүйенсек, мекеме мамандары тұрмыстық қалдықтарды тек арнайы орындардан алып кететін көрінеді. Аптасына бір рет төбе көрсететін сала қызметкерлерін сөзге тарттық.

Данияр Рысқұлов, «Сарыағаш тазалық» ЖШС директорының орынбасары

Аталған орынның не себепті бұл күйге түскенін сұрау мақсатында қала әкімдігінің маманымен сөйлестік. Жауапты қызметкер күні бүгінге дейінгі ахуалдың жақсы болғанын айтты және бұл жайттың себебін қоқыс тастау орны қабырғаларының жығылуымен байланыстырды.

Бекжан Жолдасбеков, Сарыағаш қаласы әкімдігінің бас маманы

Сюжет барысында бір мәселе шешімін тапты. Десе де, біткен шаруа жүздің бірі. Көше бойында дауыл мен желге ұшқан пластик бөтелкелер, бір реттік целофандардың жай-күйі не болмақ?! Әкімдік маманы алдағы 10 күн ішінде бұл проблема да шешімін табады деп сендірді. Енді, нәтиже күтетін боламыз.

Авторлар: Мейірхан Бақытжанұлы, Дінислам Тәліпбай, Ерлан Сәрсенбеков