1 мамыр – Қазақстан халқының бірлігі күні. Бұл – еліміздегі барлық этностардың достығы мен татулығын, өзара құрметі мен келісімін айшықтайтын маңызды мереке. Аталған күн қоғамдағы бейбітшілік пен тұрақтылықтың, ортақ мақсат жолындағы ынтымақтың символына айналған.

Қазақстан – көпұлтты мемлекет. Бүгінде 130-дан астам этнос өкілдері бір шаңырақ астында тату-тәтті өмір сүріп, ел дамуына өз үлестерін қосып келеді. Әр этностың тілі, мәдениеті мен салт-дәстүрі сақталып, сонымен қатар ортақ құндылықтар арқылы қоғам бірлігі нығая түсуде. Бұл – тәуелсіз еліміздің басты жетістіктерінің бірі.

Этносаралық келісімді нығайту бағытында өңірлерде жүйелі жұмыстар жүргізілуде. Соның айқын көрінісі – Сарыағаш ауданындағы этномәдени бірлестіктердің белсенді қызметі. Ауданда:әзірбайжан, өзбек, тәжік, түрік және ұйғыр этномәдени бірлестіктері тұрақты түрде жұмыс істеп келеді. Олар мәдени іс-шараларға қатысып қана қоймай, қайырымдылық акцияларын ұйымдастырып, спорттық және әлеуметтік жобаларға да белсене атсалысуда.

Бірлік пен татулық – кез келген мемлекеттің тұрақты дамуының негізі. Қазақстан халқының ауызбіршілігі мен өзара сыйластығы – елдің ең басты байлығы. Осындай берік ынтымақтың арқасында еліміздің болашағы жарқын, келешегі кемел болары сөзсіз.

Сарыағаш аудандық ұйғыр этномәдени орталығы «Үміт» қоғамдық бірлестігінің төрағасы – Дильшат Кенжуйев.