Қазақстан мен Таиланд ынтымақтастықты одан әрі дамытуға бағытталған

Фото: ҚР СІМ баспасөз қызметі

Қазақстанның Таиландтағы Елшісі Арман Исетов Таиланд Корольдігі Сыртқы істер министрлігінің Оңтүстік Азия, Таяу Шығыс және Африка істері департаментінің бас директоры Сасирит Тангулратпен кездесті.

Кездесу барысында екіжақты ынтымақтастықтың ауқымды мәселелері, соның ішінде жоғары деңгейдегі сапарларды ұйымдастыру, екі ел арасындағы сауда мен инвестиция, логистика, ауыл шаруашылығы, цифрландыру, дамуға көмек, көпжақты форматта бірлескен жұмыс салаларындағы ағымдағы нәтижелер талқыланды.

Тараптар барлық бағыттар бойынша қол жеткізілген елеулі нәтижелерді, сондай-ақ екі ел арасындағы қарым-қатынастарды одан әрі дамытуға деген жоғары саяси қолдауды және мақсатты бағытты атап өтті.

Кездесудің нәтижесінде тараптар белгіленген мақсаттарды жүзеге асыруға нақты жоспарларды анықтады.

Дереккөз: ҚР СІМ баспасөз қызметі

Достармен бөлісу
Share on facebook
Share on twitter
Share on vk
Share on odnoklassniki
Share on telegram
Share on whatsapp

Танымал жаңалықтар