Қазақстанның Пәкістандағы Елшісі Ержан Қыстафин жекешелендіру, коммуникациялар және Пәкістан Инвестициялар жөніндегі кеңесінің федералды министрі Абдул Али Ханмен кездесу өткізді.

Сұхбат барысында тараптар Қазақстан мен Пәкістанды байланыстыратын көлік-логистикалық бағыттарды нығайту және әртараптандыру мәселелерін талқылады.

Осы саладағы ынтымақтастықтың басымдылығы мен көлік және өңірлік байланыс жөніндегі бірлескен жұмыс тобы аясында өзара іс-қимылды арттыру қажеттігі аталып өтті.

Осы тұрғыда тараптар 2025 жылға арналған жоспарларды талқылап, Қазақстан мен Пәкістан арасындағы сауда маршруттарын дамытуға, оның ішінде екі мемлекеттің де транзиттік әлеуетін күшейтуге бағытталған практикалық қадамдарды іске асыруға өзара мүдделілік білдірді.

Дереккөз: ҚР СІМ баспасөз қызметі