Қазақстанның Норвегиядағы Елшілігінің бастамасымен ҚР Ұлттық банкі төрағасының бірінші орынбасары Ерұлан Жамаубаев бастаған делегация Осло қаласына жұмыс сапарымен келді.

Сапар бағдарламасы аясында қазақстандық өкілдердің Норвегияның Орталық банкі төрағасының орынбасары Пол Лонгвамен, «Norges Bank Investment Management» (Глобал мемлекеттік зейнетақы қорының қызметіне жауапты Норвегия Ұлттық банкінің бөлімшесі) басшысының орынбасары Тронд Грандемен және Норвегия Қаржы министрлігінің Активтерді басқару департаментінің директоры Том Фернлимен кездесулері өтті.

Келіссөздердің басты тақырыбы Қазақстан Республикасы Ұлттық қорының қызметін жетілдіру мәселелері болды.

Кездесулер барысында норвег тарапы сұхбаттастарын Глобал мемлекеттік зейнетақы қорының (ГМЗҚ) негізгі көрсеткіштерімен және елдің қаржы саясатының ерекшеліктерімен егжей-тегжейлі таныстырды.

Өз кезегінде қазақстандық келіссөздер қатысушылары әріптестеріне Қазақстанның Ұлттық қорының дамуы және мемлекетімізді экономикалық жаңғыртудың басымдықтары туралы кең ақпарат берді.

Сонымен бірге Норвегия Орталық банкі, ГМЗҚ және Қаржы министрлігінің өкілдері еліміздің делегация мүшелерін қызықтырған сұрақтарға егжей-тегжейлі жауап берді.

ГМЗҚ (немесе Норвегияның мұнай қоры) – әлемдегі ең ірі егеменді қор және шамамен 1,8 трлн АҚШ доллары көлемінде активтерге ие. Бұл ретте норвегиялық қор планетаның 63 еліндегі 8659 компанияның және әлемдік биржаларда тізімделген барлық компаниялардың 1,5% акцияларының иесі.

Дереккөз: ҚР СІМ баспасөз қызметі