Қазақстанның Молдовадағы Елшісі Алмат Айдарбеков Молдова Республикасының Ауыл шаруашылығы және тамақ өнеркәсібі министрі Людмила Катлабугамен кездесті.
Кездесуде Қазақстан Елшісі ауыл шаруашылығы саласындағы өзара тиімді іс-қимылды дамыту жолындағы ынтымақтастыққа дайын екенін білдірді. Тараптар екіжақты қатынастардың жай-күйі мен болашағын талқылады және 2025 жылы үкіметаралық комиссияны өткізудің маңыздылығын атап өтті. Қазақ дипломаты тауар айналымын арттыру үшін қолда бар жақсы әлеует шеңберінде Қазақстан-Молдова бизнес-кеңесінің құрылғаны туралы хабардар етті.
Өз кезегінде Л. Катлабуга ведомствоның басымдықтарын ұсынып, мал шаруашылығы секторын дамыту, ирригациялық жүйелер мен азық-түлік қауіпсіздігін қалпына келтіру бағытында қызығушылық танытты. Ірі дақылдарды (бидайды) дамыту, көкөніс өсіру мен шарап шығаруды қолдау жөніндегі ғылыми институттар арасындағы байланыстарды арттыру қажеттілігіне ерекше назар аударылды.
Тараптар өзара іс-қимылды кеңейтуге күш салуға дайын екендігін білдіріп, жұмыс байланыстарын қолдауға уағдаласты.
Дереккөз: ҚР СІМ баспасөз қызметі
