Қазақстан Елшісі Сержан Әбдікәрімов Индонезияның Стратегиялық және халықаралық зерттеулер орталығының (CSIS) Атқарушы директоры Иосе Ризал Дамуримен кездесті. Бұл туралы satmedia.kz тілшісі ҚР СІМ сілтеме жасап хабарлайды.
Кездесу барысында екі елдің талдау құрылымдары арасындағы қарым-қатынастарды дамыту мәселелері талқыланды.
Елші сұхбаттасына Астана мен Джакарта арасындағы ынтымақтастықтың ағымдағы жағдайы мен болашағы, ҚР жетекші зерттеу институттарының қызметі, Елшіліктің қазақ-индонезиялық сараптамалық кеңесті құру бойынша бастамасы туралы айтып берді.
CSIS басшысы екі елдің және өңірлердің қазіргі уақыттағы саяси-экономикалық дамуы, қауіпсіздік мәселелері, климаттың өзгеруі, жаңа сын-қатерлер мен қауіптер және жоспарланып отырған шараларға қатысу туралы өзекті ақпаратпен өзара алмасудың маңыздылығын атап өтті.
Тараптар өзара мүдделіліктің нақты ұсыныстарын жүзеге асыру мақсатында шаралар қабылдауға уағдаласты.
Дереккөз: ҚР СІМ баспасөз қызметі
