Қазақстанның Албаниядағы Елшісі Искандер Айсариев Албания Республикасы Парламентінің Спикері Элиса Спиропалимен кездесті.
Келіссөздер барысында тараптар екіжақты қатынастардың маңыздылығын атап өтіп, парламентаралық ынтымақтастықты нығайту перспективаларын талқылады. Екі ел парламенттері басшылығының саяси диалогын дамыту және өзара сапарларын ұйымдастыру үшін маңызды қадам ретінде Қазақстан мен Албания парламенттері арасында достық тобын құру мәселесіне ерекше назар аударылды.
Э. Спиропали Қазақстанның Тиранадағы Елшілігінің ашылуымен құттықтап, бұл оқиғаның екіжақты байланыстардың дамуына жаңа серпін беретініне сенім білдірді. Ол албан тарапынан халықаралық парламенттік ұйымдар аясында өзара белсенді ынтымақтастыққа және бірлескен бастамаларға қолдау көрсетуге дайын екенін растады.
Өз кезегінде И. Айсариев елдер арасындағы экономикалық және мәдени ынтымақтастықты кеңейту әлеуетін атап өтті. Сауда, инвестиция, туризм және білім беру салаларындағы бірлескен жобаларды жүзеге асыру перспективалары талқыланды.
Сұхбаттастар екі елдің бай мұрасы мен дәстүрлерін танымал етуге бағытталған мәдени іс-шараларды ұйымдастыруға қызығушылық білдірді.
Кездесудің қорытындысы бойынша қазақ-албан парламентаралық ынтымақтастықты одан әрі дамыту бағытында бірлесіп жұмыс атқару туралы уағдаластыққа қол жеткізілді.
Дереккөз: ҚР СІМ баспасөз қызметі
