Қазақстанның Финляндиядағы Елшісі Азамат Әбдіраимов Финляндия Президентінің кеңесшісі Вилле Бруммермен кездесу өткізді.

Сұхбат барысында тараптар 2024 жылы Қазақстан Республикасының Президенті Қасым-Жомарт Тоқаев пен Финляндия Республикасының Президенті Александр Стубб қол жеткізген уағдаластықтарды іске асыруды қоса алғанда, екіжақты қатынастардың негізгі аспектілерін қарастырды. Саяси диалогты нығайтуға, сауда-экономикалық байланыстарды кеңейтуге және халықаралық бастамаларды ілгерілетуге ерекше назар аударылды.

Сонымен қатар тараптар түрлі салалардағы ынтымақтастықты тереңдетуге бағытталған әрі қарайғы қадамдарды талқылады. Кездесу қорытындысы бойынша Қазақстан мен Финляндия арасындағы белсенді өзара іс-қимылды жалғастырудың маңыздылығы аталып өтті.

Дереккөз: ҚР СІМ баспасөз қызметі