Іс жүргізушісіне айыппұл салынды

Сарыағаш қаласы аумағында кезекті рейдтік іс-шара өткізілді. Түнгі уақытта көше кезіп, кафелерде жұмыс жасап жатқан жасөспірімдер анықталды. Толығырақ келесі бейнематериалда

Түнгі рейдтік іс-шаралардың басты мақсаты – өңіріміздегі жасөспірімдер арасында орын алатын құқықбұзушылықтардың алдын алу. Осы бағытта кәмелет жасына толмағандар ісі жөніндегі инспекторлар, жастар ресурстық орталығы және білім бөлімінің жетекші мамандары Сарыағаш қаласындағы дәмханалар мен ойын-сауық орталықтарын аралап шықты. Рейд барысында кәмелет жасына толмаған 2 бала «Аладдин» кафесінде даяшы қызметін атқарып жатқаны анықталды. Инспектордың айтуынша, жасөспірімдердің түнгі 22:00-ден кейін жұмыс жасауына жол берген дәмхана іс-жүргізушісіне хаттама толтырылып, айыппұл салынады.

Видади Наурузов, Сарыағаш АПБ ЖПҚ ЮПТ инспекторы

Сондай-ақ, Сарыағаш автобекеті маңында түнгі 00:00 шамасында жұмыс жасап жатқан дүкендердің біріне кіріп бара жатқан 2 бала ұсталып, аудандық полиция бөліміне жеткізілді. «Анықталған балалардың әке-шешелерін шақырып, ескерту береміз. Жағдай қайталанса айыппұл салынады»,-дейді мамандар.