Қазақстан Республикасының Сиань қаласындағы Бас консулы Жошыхан Қыраубаев Шэньси өңірінің Халықаралық сауданы дамыту комитетінің хатшысы Ван Хунвэймен кездесті.
Кездесуде өңіраралық ынтымақтастықты дамытудың жай-күйі мен перспективалары, сауда-экономикалық және инвестициялық өзара қарым-қатынастарды нығайту мүмкіндіктері талқыланды.
Бас консул Қазақстан мен Қытайдың жеке және орта бизнесі арасында тығыз және өзара тиімді байланыстар орнату бойынша белсенді жұмысты ілгерілету жөніндегі жұмыс жоспарын қабылдау, сондай-ақ транзиттік-көліктік инфрақұрылымды, тау-кен өндіру өнеркәсібін, энергетиканы, мәдениетті және жоғары білім беруді дамыту салаларында өзара тиімді ынтымақтастықтың түйісу нүктелерін іздеу қажеттігін атап өтті.
Тараптар Қазақстан мен Қытай алдында ынтымақтастықтың жаңа көкжиектерін ашатын 2-ші «Орталық Азия – Қытай» саммиті аясындағы 1-ші Іскерлік кеңес отырысын ұйымдастыру мәселесін талқылады. Шараның күн тәртібіне сәйкес ынтымақтастықтың негізгі бағыттарын анықтау және бизнес өкілдерінің кең ауқымын тартуға келісті. Бұл кездесу ауқымды халықаралық іс-шараларға дайындықтың маңызды кезеңі болып, экономикалық, білім беру және технологиялық салалардағы екіжақты ынтымақтастықтың маңыздылығын айқындады.
Өз кезегінде қытайлық тарап Бас консулдықпен атқарылып жатқан іс-шаралар мен жүзеге асырылған сапарларды, қол жеткізілген жобаларды атап өтіп, тараптардың белсенділігін мемлекеттер арасындағы жан-жақты стратегиялық серіктестіктің айқын нышаны екенін ризашылықпен атап өтті. 2025 ж. бірлескен жұмысты жоспарлы ұлғайту және бастамаларды іске асыру мақсатында жан-жақты мүмкіндіктерді пайдалануға мүдделілік білдірді.
Сонымен қатар кездесу барысында тараптар Қазақстан мен Шэньси өңірлері арасындағы сауда-инвестициялық және мәдени-білім беру өзара іс-қимылын одан әрі нығайту, сондай-ақ ү.ж. бірлескен сауда-экономикалық және мәдени-гуманитарлық іс-шараларды өткізу перспективаларын қозғап, маусым-шілдеде Шэньси басшылығы мен өңір бизнес капитандарының сапарын Қазақстанға ұйымдастыру мүмкіндігі қарастырылды.
Бұдан басқа қытайлық тарап ү.ж. 1-2 сәуірде ҚР Сауда және интеграция министрі Арман Шаққалиевтің Шэньси өңіріне сапары шеңберінде Сиань қаласында Сауда-экономикалық миссиясын бірлесіп өткізу туралы бастамасын қолдады.
Кездесу қорытындысы бойынша екіжақты ынтымақтастықты дамыту мақсатында Бас консулдық пен Халықаралық сауданы дамыту комитеті талқыланған бағыттар бойынша өзара тиімді жұмысты жалғастыруға келісті.
Дереккөз: ҚР СІМ баспасөз қызметі
