Наурыз мейрамы – қазақ халқының ең маңызды ұлттық мерекелерінің бірі. Бұл күні халық жаңа жылды қарсы алып, өткен жылдың өкініштері мен қиыншылықтарын артта қалдырып, болашаққа үмітпен қарайды. Наурыздың он күн бойы тойланатын ерекшеліктерінің бірі – «Шаңырақ» күні. Ол отбасылық құндылықтарды, ұлттық дәстүрлерді ұлықтауға арналады. Бұл күні Тегісшіл ауылдық клубының қызметкерлері округтегі үлгілі отбасы, шаңырақтың тірегі болған, қоғамға үлгі боларлық жандарды құттықтау мақсатында арнайы іс-шара ұйымдастырды.

Авторлар: Мейірхан Бақытжанұлы, Ережеп Тұрғынбайұлы