«Халықтық кеңсе» ашылды

Сарыағаш ауданы орталығында «Халықтық кеңсе» ашылды. Сыбайлас жемқорлыққа қарсы іс-қимыл мәселелері жөніндегі тапсырмаға сәйкес, сонымен қатар, азаматтарға сапалы мемлекеттік қызмет көрсету және тұрғындардың мәселелерін тыңдау мақсатында өз қызметін бастады. Қандай қызмет түрлері бар? Қанша маман қызмет атқарады? Толығырақ тілші материалында.

«Халықтық кеңсе» арқылы ауданда көрсетілетін мемлекеттік қызметтерді ұсыну жүргізіледі. Кеңседе жер қатынастары, тұрғын үй қатынастары, сәулет және қала құрылысы, білім, ауыл шаруашылығы, жұмыспен қамту және әлеуметтік бағдарламалар саласы бойынша қызметтер ұсынылады және 7 маман жұмыс атқарады. Жоғарыда аталған бөлімдермен 90-ға жуық мемлекеттік қызмет электронды түрде және «e-gov» порталы арқылы баламалы түрде көрсетіледі.

Мирас Қарғабайұлы, ҚР Сыбайлас жемқорлыққа қарсы іс-қимыл агенттігінің Түркістан облысы бойынша Департаменті басшысының бірінші орынбасары

Халыққа қызмет көрсету залында азаматтар үшін арнайы электронды үкіметтің өзіне-өзі қызмет көрсету бұрышы жасақталады. Сонымен қатар, бұл – халықты әуре сарсанға салмаудың бірден бір жолы.

Мирас Қарғабайұлы, ҚР Сыбайлас жемқорлыққа қарсы іс-қимыл агенттігінің Түркістан облысы бойынша Департаменті басшысының бірінші орынбасары

Халықтық кеңседе ЭЦҚ алу, жәрдемақы тағайындауға өтініш беру, үй кезегіне тіркелу, жер, үй құжаттарын заңдастыру бойынша барлық қызметтің түрін «e-gov» порталы арқылы алу жолдарын үйрету бойынша ХҚКО-ның мамандары арнайы оқу курстарын өткізетін болады. Халықтық кеңсе дүйсенбі-жұма күндері сағат 9:00-19:00 дейін жұмыс жүргізеді.

Еркежан Құрбанәліқызы, Дінислам Тәліпбай