«Бастау-Бизнес» жобасы бойынша кәсіпкерлік негіздеріне оқыту курсын аяқтап сертификат алған азаматтар жаңа бизнес идеялары бойынша қайтарымсыз мемлекеттік грантқа 2022 жылғы 8-19 тамыз аралығында «Business.enbek.kz» порталында электрондық цифрлық қолтаңба (ЭЦП) арқылы өтінім бере алады.
Мемлекеттік грантқа төмендегі санаттарға жататын қатысушылар жұмыспен қамту орталығынан берілетін 400 АЕК мөлшеріндегі грантқа үміткер бола алады:
- Жұмыссыз жастар (29 жасқа дейін);
- Аз қамтылған отбасы мүшелері- атаулы әлеуметтік көмек алушылар;
- Көпбалалы отбасылар – көпбалы отбасылар бойынша жәрдемақы алушылар;
- Қандастар, қоныс аударғандар;
- Мүгедектігі бар адамдар – жұмысқа жарамдылық анықтамасы барлар;
- Мүгедек баланы (мүгедек балаларды) тәрбиелеп, жәрдемақы алушылар;
- Асыраушысынан айырылғандар – асыраушысынан айырылу бойынша жәрдемақы алушылар.
Атап өту қажет!
- Соңғы 12 ай ішінде дәлелді себептерсіз жұмыспен қамтуға жәрдемдесу шараларына қатысуды тоқтатқан азаматтар үміткер бола алмайды;
- Грант бір рет қана беріледі, бұрын алған қатысушылар қатыса алмайды.
- Бастау бизнес бобасы аясында оқып,сертификат алмаған азаматтар үміткер бола алмайды.
Сарыағаш ауданы әкімдігінің халықты жұмыспен қамту орталығы
