Заң жобасы аясында ұлттық қолөнершілердің шығындарының бір бөлігі жергілікті бюджет есебінен өтеледі. Қазіргі уақытта Түркістанда 30-дан астам қолөнерші жұмыс істейді. Өтемақы мөлшері шығындардың 10%-нан 25%-на дейінгі аралықта болады, бұл мақсатқа жыл сайын шамамен 88,5 млн теңге бөлінеді.

Өтемақы алу үшін кәсіпкерлік субъектілері 1 наурызға дейін қала әкімдігіне өтінім (электронды немесе қағаз түрінде) беруі қажет. Өтінімдерді қарау үшін арнайы комиссия құрылады. Комиссияның қорытындысы бойынша, әкімдік қолөнершілерге жергілікті бюджеттің тиісті қаржы жылына арналған қаражаты шегінде шығындардың бір бөлігін өтейді.

Дереккөз: ҚР Парламенті Мәжілісінің баспасөз қызметі