Түркістан облысының полицейлері есірткі сатушыны құрықтап, «синтетика» тәркіледі, – деп хабарлайды satmedia.kz тілшісі Түркістан облысының ПД баспасөз қызметіне сілтеме жасап.

Түркістан облысы ПД Есірткі қылмысына қарсы күрес басқармасының қызметкерлері жедел-іздестіру іс-шараларының нәтижесінде, есірткінің заңсыз айналымы мен «синтетика» жасырушының жолын кесті.

Осылайша полицейлер Шымкент қаласының тұрғынын Жетісай ауданынан ұстап, одан шамамен 80 доза «синтетикалық есірткі» тәркіледі. Сондай-ақ жедел уәкілдер күдіктінің 5 есірткі қойған жерін анықтап, «синтетика» салынған 5 ораманы анықтады. Ондағы «мефедрон» препаратының жалпы салмағы 80 грамнан асады.

Қазіргі уақытта бұл факті бойынша қылмыстық іс қозғалды. Күдікті қамауға алынып, барлық мән-жайлар анықталуда.

Дереккөз: Түркістан облысының ПД баспасөз қызметі