Қазақстан Елшісі Мадияр Меңілбеков Сауд Арабиясы Консультативтік кеңесінің Төрағасы Абдалла бен Мұхаммед Әл Аш-Шейхпен кездесті, – деп хабарлайды satmedia.kz тілшісі ҚР СІМ баспасөз қызметіне сілтеме жасап.
Кездесу барысында парламентаралық саладағы ынтымақтастықтың негізгі бағыттары, сондай-ақ оны одан әрі дамыту мүмкіндіктері талқыланды.
М. Меңілбеков Қазақстанда жүргізіліп жатқан саяси және әлеуметтік-экономикалық реформалар туралы баяндап, екі ел арасындағы әріптестікті және сенімді қатынастарды нығайту бағытында негіз болатын, сонымен қоса, саяси өзара іс-қимылда маңызды рөл атқаратын парламентаралық диалогты тұрақты дамыту болып табылатынын атап өтті.
Қазақ дипломаты Әлемдік және дәстүрлі діндер лидерлері съезінің бастамаларын ұдайы қолдағаны, Съездің қорытынды құжаттарын дайындауға белсенді қатысқаны және дінаралық келісімнің идеялары мен құндылықтарын насихаттауға қосқан үлесі үшін Кеңестің Төрағасына және Корольдіктің өкілдеріне алғысын білдірді.
Өз кезегінде А. Әл Аш-Шейх Консультативтік кеңестің қызметі және оның заңнамалық, қадағалау рөлі жайлы қысқаша ақпаратпен бөлісіп, Қазақстан Сауд Арабиясының Орталық Азиядағы негізгі саяси және экономикалық әріптестерінің бірі болып табылатынын және бүгінгі таңда екі ел арасында жоғары деңгейде тығыз байланыстар орнатылғанын атап өтті.
Ол Қазақстанда жүргізіліп жатқан реформаларға жоғары баға беріп, қазақ-сауд байланыстарын, оның ішінде парламентаралық бағыты бойынша өзара іс-қимылды одан әрі кеңейтудің маңыздылығына назар аударды.
Дереккөз: ҚР СІМ баспасөз қызметі
