Menu
Бүгін таңғы сағат 7-де еліміз бойынша парламент мәжілісі мен жергілікті мәслихаттар сайлауына дауыс беру басталды. Осыған орай, тілшіміз Сарыағаш ауданындағы бірқатар сайлау учаскелеріне барып қайтқан болатын. Біздің өңірде дауыс беру қалай жүріп жатыр? Келесі сюжетен көрейік.
Орталық сайлау комиссиясының мәліметінше, елде барлығы 10 мыңнан астам сайлау учаскесі құрылып, партияға дауыс беретін 11,8 млн сайлаушы тіркелген. Сарыағаш ауданындағы №652 сайлау учаскесінде бүгін 2 мыңнан астам адам дауыс беруі тиіс. Алғашқы 3 сағаттың ішінде белсенділік танытқан сайлаушылардың арасында аудан әкімі де болды. Ол өз сөзінде сайлауалды бағдарламалардың іске асуын жіті қадағалайтынын айтты.
Мұхит Отаршиев, Сарыағаш ауданының әкімі
Бұл жолғы парламент сайлауы күллі әлемді әбігерге салған коронавирус пандемиясы кезінде өтіп отыр. Бас мемлекеттік санитар дәрігердің қаулысына сәйкес, сайлау учаскелерінің алдында адамдардың дене қызуы тексеріледі. №652 учаскелік сайлау комиссиясының төрағасы дауыс берудің тәртіпке сай өтіп жатқанын айтты.
Күмісбек Балықбаев, №652 учаскелік сайлау комиссиясының төрағасы
Сондай-ақ, дауыс берудің әділ өтетінін қадағалайтын бақылаушылар мен сайлаушылар бұл сайлаудан үлкен үміт күтетінін жеткізді.
Нұрдәулет Ташполатов, Бақылаушы
Мәлікайдар Арқарбеков, Сайлаушы
Марат Мамырхан, Сайлаушы
Парламент мәжілісі мен жергілікті мәслихаттар сайлауына дауыс беру Самал мөлтек ауданындағы №649 сайлау учаскесінде де қарқынды өтуде. Комиссия төрағасының айтуынша, мұнда сайлаушылар таңғы сағат 7-ден бастап белсенділік танытуда. Сондай-ақ, ең бірінші болып дауыс берген және ең жас сайлаушыға естелік сыйлықтары тапсырылған.
Зулхайнар Надиров, №652 учаскеліксайлаукомиссиясыныңтөрағасы
Дауыс беруге келген тұрғындар мен сайлау барысын бақылаушылар әзірге заңбұзушылық байқалмағанын айтып, сайлаудың әділ өтетініне атсалысатындарын айтты.
Ермек Кеншінбаев, Бақылаушы
Ұлжалғас Өсербай, Бақылаушы
Шарниса Үсенбекова, Сайлаушы
Біз барған екі сайлау учаскесінде де алғашқы 3 сағатта 200-ге жуық адам дауыс берген. Бұл учаскеге тіркелген сайлаушылардың 10 пайызы өз таңдауын жасап үлгерді деген сөз. Дауыс беру кешкі сағат 20.00-ге дейін жалғасады. Сайлау нәтижелерін алдағы хабарлардан біле аласыздар.
Авторлар: Балнұр Зұпарбекқызы, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
