Экспортқа шығарылатын Юралс маркалы мұнайдың баррелі 44 доллар 96 центке дейін арзандаған. Бұл маусым айының басымен салыстырғанда шамамен қырық пайызға төмен.

Мұнай бағасының құлдырауы Ресейдің экспорттық табысына жағымсыз әсер етіп отыр. Қазір қара алтын экспорты тәулігіне 4 миллион 13 мың баррельге жеткенімен, апталық кіріс мамырмен салыстырғанда үштен бірге қысқарып, 1 миллиард 900 миллион долларға дейін түскен.

Ресей Қаржы министрлігінің мәліметінше, қаңтар мен мамыр аралығында мұнай-газдан түсетін бюджет кірісі 30 пайызға азайған. Ал бюджет тапшылығы 6 триллион рубльге жеткен. Сарапшылар маусым айының соңына қарай бұл көрсеткіш 6,4 триллион рубльге дейін өскенін айтады.

Экономистердің пікірінше, мұнай бағасының төмендеуі алдағы айларда шығындарды қысқарту немесе қосымша қаржы көздерін іздеу қажеттігін арттыруы мүмкін.

Дереккөз: t.me/atamekenbusiness_qaz