Полиция әріптесіне ерегісіп, көлігін айдап кеткен күдіктіні қолға түсірді.

Түркістан облысы Келес ауданының полиция қызметкерлері құны 2 миллион теңге тұратын «Audi» маркалы автокөлікті заңсыз айдап кеткен 36 жастағы ер адамды ұстады.

Тергеу барысында анықталғандай, күдікті мен жәбірленушінің арасында түсінбеушілік орын алған. Содан өш алу мақсатында ол автотұрақта тұрған әріптесінің көлігіг діттеген жеріне айдап кеткен.

Тәртіп сақшылары жедел-іздестіру іс-шаралары кезінде ұрланған көлікті Шымкент қаласынан тауып, заңды иесіне қайтарды. Қазіргі таңда ер адамға қатысты сотқа дейінгі тергеу амалдары жүргізілуде.

Дереккөз: Түркістан облысы ПД баспасөз қызметі