Жоғалған жылқыларын 2 күн бойы іздеп таба алмаған жергілікті тұрғын Қазығұрт аудандық полиция бөліміне хабарласып, көмек сұрады. Оның айтуынша, күн суытып, тұман болған күні жайылымдық жерден бос жайылып жүрген құны 14 миллион теңге тұратын 16 бас жылқысы ұшты-күйлі жоқ болған.

Тәртіп сақшылары мал егесімен бірге қызметтік көлікпен айналаны шолып шықты. Осы іс-шаралардың нәтижесінде, жоғалған жылқылар 20-25 шақырым қашықтықтағы Шарбұлақ ауылының маңындағы жайылымдық алқаптан табылды.

Дереккөз: Түркістан облысының ПД баспасөз қызметі