Оңтүстік өңірден Солтүстікке көші-қон ұйымдастыру арқылы азаматтарды жұмыспен қамту негізгі мақсаттардың бірі. Осы орайда, айтулы бастамаға үлес қосушы делегация мүшелері Сарыағаш ауданында болып, жергілікті тұрғындарға бағдарламаның негізгі басымдықтарын түсіндірді. Түркістан облыстық маслихатының депутаты Жаңабай Ағабеков жерлестерін солтүстікке қажетті жұмыс күш қатарын толықтыруға насихаттады. Айта кетейік, ағымдағы жылы жұмыс күші артық өңірлерден Солтүстікке қоныс аударуға ниетті азаматтар үшін 7050 квота бөлініп отыр. Өткен жылы 6727 квота белгіленген болатын.

Авторлар: Майра Нұрмахан, Марат Жолдас