Тегісшіл елді мекенінде орналасқан №34 Шоқан Уәлиханов атындағы жалпы орта мектебінің ұстаздары оқушыларды Хәкім Абайдың шығармаларына баулу мақсатында түрлі сайыстар, атап айтқанда, мәнерлеп оқу, эссе жазу, әуелете ән айту сынды жарыстар ұйымдастырған. Ұлы ақынның шығармалары бүгін де  өзектілігін жоғалтқан жоқ. Абайдың ой тұжырымдары мен қара сөздері баршамызға рухани азық бола алады.  «Жалпы, өмірдің қай саласында болмасын Абайдың ақылын алсақ, айтқанын орындасақ ел ретінде еңселіп, мемлекет ретінде мұратқа жетеміз»,- дейді мұғалімдер.  Осы орайда, жыл басынан бері карантин режимінің орнауына, қашықтықтан оқытудың қиындықтарына қарамастан, озат оқушыларды дайындаған ұстаздардың да еңбегін айтып өтпесек болмас.