«Жаңа оқу жылы басталғанға дейін жұмыстар толығымен аяқталуына әрекет етеміз. Балалар далада қалмайды!». Осылай деген Түркістан облысы әкімінің орынбасары Бейсен Тәжібаев ауданда күрделі жөндеуден өтіп жатқан мектептердегі мердігер мекемелердің жұмысын сынға алды. Белгілі болғандай, компаниялардың кейбірі 1 ай кестеден кешігуде. Ал жаңа оқу жылының басталуына санаулы күндер қалды. Құрылыс жұмыстары бәсең қарқынмен жалғасатын болса, оқушылар жаңа оқу жылын көрші мектептерде бастауы бек мүмкін.

Авторлар: Халима Мақсатқызы, Марат Жолдас