Menu
Келес ауданында жыл басынан бері атқарылған шаруалар жетерлік. Аталған жетістіктердің нәтижесінде өңірдің алға жылжуын бақылау мақсатында, Түркістан облысының әкімі Өмірзақ Шөкеев арнайы іс-сапармен келді. Ол бірқатар нысандарды аралап, жұмыс барысымен танысты.
Облыс әкімі Өмірзақ Естайұлы бірінші кезекте Келес ауданында «Ауыл – ел бесігі» бағдарламасы аясында атқарылған жұмыстардың бір парасын бақылады. Нақтыласақ, Абай ауылын республикалық А-15 трассасына жалғау мақсатында Т.Рысқұлов көшесіне жалпы ұзындығы 1,2 км жаңа асфальт салынған. Аталған жобадан көзделгені тоғыз жолдың торабы саналған Абай ауылының орталығындағы кептелісті жою болған екен.
Тұрғындар
Облыс әкімі келесі кезекте Қошқар ата ауылдық округінде атқарылып жатқан жұмыстарды бақылады. Онда жалпы құны 1 015 986 теңгелік №29 жалпы орта мектебінің қүрылысымен танысты. 300 орындық оқу ордасының құрылысы 2019 жылдың маусым айында бастау алған. Одан бөлек, аталған округтің 9 елді мекенін көгілдір отынмен қамту жобасы да сөз болды.
Ақментай Есбаев, Келес ауданының әкімі
Соңғы аталған қос нысанның құрылыс жұмыстарын бақылаған облыс әкімі оң бағасын берді. Айта кетейік, Өмірзақ Естайұлының тапсырмасымен Келес ауданында елді мекендерді дамыту және аурухана, мектептер салуға күш салынған екен.
Авторлар: Мейірхан Бақытжанұлы, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
