Қазақстанның Мысырдағы Елшісі Асқар Жеңіс Мысыр Араб Республикасының Азаматтық авиация министрі Самех әл-Хафнимен кездесіп, екіжақты қарым-қатынастардың өзекті мәселелерін, соның ішінде екі мемлекеттің астаналарын жалғайтын жолаушылар әуе рейстерін және жүк тасымалдау әуе рейстерін ашу перспективаларын талқылады.
Қазіргі таңда мысырлық туристік және шипажай демалыс мекендерінен Қазақстанның қалаларына аптасына 48 әуе рейс қатынайды. Қазақстан мен Мысыр арасындағы тауар айналымы жыл сайын өскенімен, оның көлемі екі елдің зор әлеуетіне сәйкес келмейді. Осы ретте екіжақты сауда-экономикалық байланыстарды нығайту, сонымен қатар саяси, білім беру және мәдени-гуманитарлық бағыттардағы қарым-қатынастарды белсендіру тұрғысынан екі елдің астаналарын байланыстыру зор маңызға ие.
Кездесудің қорытындысы бойынша екі жақ аталған бағыттарда ынтымақтастықты нығайтуға келісті.
Дереккөз: ҚР СІМ баспасөз қызметі
