Қазақстанның Мысырдағы Елшісі Асқар Жеңіс Мысыр Араб Республикасының Электроэнергетика және жаңармалы энергия көздері жөніндегі министрі Махмуд Исматпен кездесті.

Кездесу барысында тараптар энергетика саласындағы екіжақты қарым-қатынастарды нығайту перспективаларын, соның ішінде күн, жел, гидро энергияны пайдалану, атом станциясын салу бағыттарында тәжірибемен алмасу және бірлескен жобаларды дамыту мәселелері кеңінен талқыланды.

Кездесудің қорытындысы бойынша тараптар аталған бағыттағы өзара ынтымақтастықты дамытуға келісті.

Мысырда жаңармалы энергия көздерінің барлық дерлік түрлері жоғары деңгейде дамыған. Энергетика экономиканың маңызды секторы болып, жалпы ішкі өнімінің 13% үлесін құрайды, ал жалпы өндірілетін энергияның 20% жаңармалы энергия көздеріне тиесілі. Қазіргі таңда қосымша 30 ГВт таза энергия қуатын қосуға бағытталған 18 жобалар табысты жүзеге асырылып келеді.

Дереккөз: ҚР СІМ баспасөз қызметі