Мемлекеттік қызметшілер волейбол алаңында…

Мемлекеттік қызметшілер волейбол алаңында…

Облыс әкімі Өмірзақ Естайұлының тікелей бастамасымен мемлекеттік қызметшілер арасында волейболдан өтіп жатқан облыстық турнир Келес ауданында жалғасын тапты. Түркістан облысының қысқы біріншілігінде көршілес төрт ауданның әуесқой волейболшылары бақтарын сынауда. Жарыс жайын тілшіміз баяндайды.

«Салауатты ұлт – салауатты ұрпақ!» атты ұранмен мемлекеттік қызметшілер арасында волейболдан ұйымдастырылған Түркістан облысы қысқы біріншілігінің Келес ауданындағы кезекті кездесуіне аймақ басшысы Ақментай Үсенұлы да қатысты. Аудан әкімі спортты серік еткен мемлекеттік қызметшілерге алдағы ойында сәттілік тілеп, салауатты өмір салтын қалыптастыру бағытында қосып жатқан үлестері үшін барлық қатысушыларға алғысын білдірді.

Ақментай Есбаев, Келес ауданының әкімі

Айта кетейік, мемлекеттік қызметшілер арасында ұйымдастырылып жатқан волейбол сайысы екі айға жалғасады. Бүгінгі Келес өңіріндегі кездесуде Келес, Сарыағаш, Мақтаарал және Жетісай аудандарының мемлекеттік қызметшілері бақтарын сынауда.

Олжас Саттаров, Келес аудандық дене шынықтыру және спорт бөлімінің бас маманы

Облыс әкімі Ө.Шөкеевтің бастамасымен қолға алынған спорттық сайыстың Келес ауданында өткізілген біріншілігіне Сарыағаш аудандық мәдениет, тілдерді дамыту, дене шынықтыру және спорт бөлімінің басшысы Әбіләзім Жаншуақов та арнайы келіп, сарыағаштық әуесқой волейболшыларға жанкүйер болды.

Әбіләзім Жаншуақов, Сарыағаш аудандық мәдениет, тілдерді дамыту, дене шынықтыру және спорт бөлімінің басшысы

Волейболдан мемлекеттік қызметшілер арасындағы біріншілік жеңімпаздарынан республикалық жарыстарға қатысуға облыс құрамасы іріктеледі. Сайыста Түркістан облысы әкімдігінің басқармалары, аумақтық департаменттері, құқық қорғау органдары және аудандық әкімдіктер бағын сынайтын болады.

Авторлар: Нағима Әбдірахым, Айдос Дәулет

Достармен бөлісу
Share on facebook
Share on twitter
Share on vk
Share on odnoklassniki
Share on telegram
Share on whatsapp

Танымал жаңалықтар

Достармен бөлісу
Share on facebook
Share on twitter
Share on vk
Share on odnoklassniki
Share on telegram
Share on whatsapp

Танымал жаңалықтар