Білім саласында «бауын тапса да, байлауын таппаған» тірлік көп. Әсіресе, мектеп құрылысына келгенде жобалар жүрісінен жаңылып, біршама нысан мерзімінде аяқталмай қалады. Соның бірі – Ошақты ауылдық округіндегі «Абай » атындағы мектептің қосымша оқу ғимараты. Жаңа оқу жылының басталуына небәрі 29 күн қалды. Әйткенмен, қосымша оқу ғимаратының жөндеу жұмыстары толығымен біткен жоқ. Жауапты мердігерлер сөзден тайқыса, бүлдіршіндер баяғы қалыпқа амалсыз оралуға тура келеді. Осы орайда, жосықсыз мердігерлердің мәселесін майшаммен қарау керек сияқты. Мәселенің мән-жайын Майра Нұрмахан жеткізеді.
Авторлар: Майра Нұрмахан, Ережеп Тұрғынбайұлы
