Мектепке қашан барады?

Әлемде болған пандемияға байланысты балалар білімді қашықтықтан алуға мәжбүр болды. Оқушылар үшін 3 тоқсан басталды. Бірақ әлі де оқу онлайн түрде жүруде. Өңірімізге қарасты мектептер қашан ашылады? Ашылған жағдайда ата-аналарға қандай талаптар жүктеледі? Әріптесім айтып берсін.

Еліміздің мектептері 2020 жылғы оқу жылын онлайн форматта өткізуде. Алайда, пандемияға байланысты амалсыз қолға алынған тәсіл оқушыға да, ата-анаға да, тіпті, ұстазға да оңай тиіп жатқан жоқтығы белгілі. Мектептер жұмысын қайта бастауына байланысты ауданымыздағы санитарлар мен білім бөлімінің мамандары мобильді топ құрып, өңірімізге қарасты барлық білім ордаларына тексеру жұмыстарын жүргізіп жатқандығын айтты

Әбілқасым Анарбаев, Сарыағаш ауданы санитарлық-эпидемиологиялық бақылау басқармасының басшысы

Осы орайда, ауданымызға қарасты білім бөлімінің қызметкері Ерлан Көшкінбаев, мектептердің нақты ашылатын күні белгісіз екендігін жеткізді. Алдағы уақытта білім ордасы ашылған жағдайда мектеп директорлары арқылы ата-аналарға хабарлайтынын айтты.

Ерлан Көшкінбаев, Сарыағаш аудандық білім бөлімінің бас маманы

Қазіргі таңда Қаныш Сәтпаев атындағы мектеп-интернаты офлайн түрде сабақ оқытып жатыр. Олар барлық санитарлық талаптарды орындай отырып, 1-тоқсаннан бері балаларға дәстүрлі форматта білім беріп жатқандығын жеткізді.

Сұлтан Жұмағұлова, №10 Қ.Сәтпаев атындағы мектеп-интернаты директорының орынбасары

Өз балаларының денсаулығы мен келешегіне алаңдаған ана – Динара Сланбекова. Ол 3 бірдей қызын аталмыш білім ордасының барлық талаптарды орындағанына көз жеткізіп, бүлдіршіндерінің офлайн түрде білім алуын қалап, мектепке жібергіндігін айтты.

Динара Сланбекова, ата-ана

Әрине, бірінші кезекте, балалардың денсаулығы. Алайда, бүлдіршіндердің келешегі жарқын болу үшін олардың білім алуына ешнәрсе кедергі болмауы керек. Оқушылар алдағы уақытта дәстүрлі түрде білім алады деген сенімдеміз.

Авторлар: Еркежан Құрбанәліқызы, Рахманбек Құралов