Кеңес үкіметі кезінде совхоз директоры болып жұмыс атқарған Бірлік елді мекенінің тұрғыны, ауылдық округтегі жаңа моншаны қолданысқа берді. Ауыл адамдарының айтуынша, онда барлық жағдайлары жасалған, сыйымдылығы 50 адамға дейін, ал, ақысы қолжетімді екен. Моншаның ашылу рәсіміне ауыл әкімі мен ақсақалдары қатысып, кәсіптің ары қарай дамуына тілек білдірді. Бұл жай ғана монша емес, ондағы судың емдік қасиеттері де бар екен. Себебі, «Жер қойнауынан шығып жатқан артизианның ыстық суы мың бір дертке шипа»,-дейді, ауыл әкімінің орынбасары.