Menu
Биыл Дарбаза ауылдық округінде Түркістан облысы әкімінің бастамасымен құрылған «Қамқорлық» жобасы аясында бірқатар игі істер атқарылды. Осыған дейін екі отбасыны қуанышқа бөлеген дарбазалықтар жыл соңына қарай тағы бір көпбалалы отбасының үйлі болуына көмектесті.
Өткір мен Жұлдыз Елшібаевтар бүгінде 6 баланы тәрбиелеп отыр. Осыған дейін шағын үйде тұрған олар, қыстыңгүні үй іші салқын болғандықтан, жаңа үй салуды ұйғарған. Ал, «Бітер істің басына, жақсы келер қасына» дегенді ұран еткен дарбазалықтар екі ай бойы үй құрылысының бітуіне біріге атсалысып, көпбалалы отбасының тезірек жылы үйге кіруіне септігін тигізді.
Өткір Елшібаев, Дарбаза ауылының тұрғыны
Жұлдыз Елшібаева, Дарбаза ауылының тұрғыны
Сондай-ақ, отбасы мүшелері ауыл әкімшілігі тарапынан ақылы қоғамдық жұмысқа тартылған. «Қамқорлық» жобасы аясында атқарылып жатқан істердің басы-қасында жүрген округ әкімі өз сөзінде осындай игі шараларға үлесін қосып жүрген кәсіпкерлер мен ауыл азаматтарына алғысын білдірді.
Ерлан Әлімбаев, Дарбаза а/о әкімі
Айта кетейік, «Қамқорлық» жобасы мемлекет тарапынан берілетін жәрдемақы мен көмектен бөлек жүзеге асады және еңбекке қауқарлы азаматтарды жұмыспен қамтуға жағдай жасайды.
Авторлар: Балнұр Зұпарбекқызы, Дінислам Тәліпбай
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
