Көкпар – қазақтың қанына сіңген қасиетті, дәстүрлі ойындардың бірі де бірегейі. Жігіттердің күш жігерін, батылдығы мен ептілігін, ат үстінде мығым отыруын қалыптастыратын ұлттық ойынның бұл түрі өңірімізде қара салқын түскеннен жер бауыры жылығанша әр жұма сайын ұйымдастырылып отырады. Бүгін аудандық мәдениет үйінде кең даланы дүбірге бөлеген көкпар ойынында әр түрлі номинация бойынша үздік деп танылған серілерге арналған салтанатты марапаттау кеші өтті. Марапаттау рәсіміне аудан әкімі Арман Абдуллаев қатысып, жиылған көпке ыстық ықыласын білдірді.

Авторлар: Халима Мақсатқызы, Сағындық Ислам