Сарыағаш өңірінің жазы ыстық болғандықтан, көлеңке беретін ағаштардың барынша көп болғаны дұрыс. Ал, жасыл желекке жұтаң жерге тал егу тек әкімдіктің ғана міндеті емес. Бұл жұдырықтай жұмылатын жауапты іс. Осы орайда, Дарбаза ауылының тұрғындары жыл сайын жол бойына ағаш егіп, көгалдандыру жұмыстарын жүргізіп келеді. Ауыл халқын ортақ іске жұмылдырып, ағаш егу шарасын ұйымдастырған ауыл биінің айтуынша, бұл бастаманың жастарға берері мол. Әрі осы арқылы өскелең ұрпақтың бойындағы туған жерге, қоршаған ортаға деген қамқорлық сезімін оятуға ықпал етеді.