Menu
Табиғатты қорғау, зиян келтірмеу әрбір адамзат баласының бұлжымас борышы. Ал, адамға ең керегі денсаулық. Тақырыпты тарқатсақ, Сарыағаш аудандық прокуратурасының бастамасымен, жылыжайларға фильтр қондырғысын орнату жұмыстары жүргізілуде. Қарқынды түрде жүзеге асып жатқан тірліктерді тілшіміз көріп қайтқан болатын.
Иә, жеке кәсіпкерліктің дамығаны жақсы. Дегенмен ол табиғатқа, адам денсаулығына өз зиянын тигізбеуі керек. Бүгінде ауданымызда 665 гектар жылыжай бар екен. Осы тұрғыда айтсақ, жылыжайларды жылыту үшін көмір, тағы да басқа отын түрлері жағылады. Ал, шығып жатқан қара түтіннің зиянын қазіргі таңда көпшілік айтып жүр. Сарыағаш аудандық прокуратурасының бастамасымен жылыжайларға фильтр қондырғысын орнату жұмыстары қарқынды жүргізілуде.
Нұрғазы Тағаев, Сарыағаш аудандық кәсіпкерлік және ауыл шаруашылығы бөлімінің бас маманы
Фильтр қондырғысының маңызы өте зор. Себебі зиянды заттарды өзінде ұстап қалады. Зиянды қалдықтар ауаға тарамайды. Ал, өз жылыжайына фильтр қондырғысын орнатқан кәсіпкердің бірі – Тұрсын Тасқожаев.
Тұрсын Тасқожаев, кәсіпкер
Сөзді түйіндесек, мемлекеттің ең басты байлығы адам өмірі мен оның денсаулығы. Сондықтан да жеке кәсіпкерлігімді дамытам деген кез келген азамат талапқа сай жұмыс жасауы керек.
Авторлар: Қуаныш Құлмырзаев, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
