Menu
Жыл келерде адамдардың бір-біріне жақсылық тілеп, ізгі ниеттерін білдіруі жарасымды жай. Осы мақсатта аудан әкімі Мұхит Отаршиев, Ұлы Отан соғысының ардагері – Алпысбаев Нұрмахан Басанұлының шаңырағына арнайы барып, 100 жасқа толған мерейтойымен құттықтады. Сондай-ақ, ардагердің отбасына аман-саулық тілеп, құттықтау қағазы мен сыйлықтар табыстап, құрмет көрсетті.
Аудан әкімі сұрапыл соғыстағы майдангерлердің көрсеткен жаужүрек ерліктеріне бүгінгі ұрпақ бас иетінін айта отырып, ауданымызға сіңірген еңбегіне ризашылығын білдіріп, қажымас қайрат пен таусылмас бақыт тілеп, бізге бейбіт өмір сыйлаған қарт жауынгерге алғысын білдірді. Қазыналы қартты мерекемен құттықтап, сый-сияпатын тапсырды.
Ардагерге құрмет көрсетуге аудан басшысымен бірге түрлі сала мамандары және Сарыағаш аудандық ардагерлер кеңесінің төрағасы М.Сүлейменов те қатысты. Қарияға ізгі лебіздерін арнаған ол, «Нұрмахан Алпысбаевтың өмірде жүріп өткен жолы басқаларға үлгі»,-деді.
Мұстафа Сүлейменов, Сарыағаш аудандық ардагерлер кеңесінің төрағасы
Ардагерді құттықтауға келген аудан басшысының ықыласына отбасы мүшелері ризашылықтарын жеткізді. Сондай-ақ, басынан көптеген қиын қыстау заманды өткеріп, ғасыр өмір сүрген қария қазіргі ұрпаққа тыныш өмір тілеп, ақ батасын берді.
Авторлар: Мейірхан Бақытжанұлы, Дінислам Тәліпбай
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
