Menu
Келес ауданында Әшірәлі Кенжеев атындағы мәдениет үйінде жылды қорытындылайтын салтанатты шара өтті. Онда аудан әкімі Ақментай Есбаев өңірдің өркендеуі жолында қызмет еткен 10 сала қызметкерін марапаттады.
Салтанатты шараның басында сөз алған аудан әкімі «2020 жылы ауданның белсенді, білікті азаматтары пандемия жағдайына қарамастан батылдық танытып, көптеген жетістіктерге жетті. Сол азаматтарымызды жыл соңында еңбегін елеп, алғысымызды білдіргіміз келеді», -дегенді алға тартты.
Ақментай Есбаев, Келес ауданының әкімі
Шара барысында 10 саланың, атап айтар болсақ, еріктілік, мәдениет, спорт, мемлекеттік қызмет, медицина, кәсіпкерлік, полиция, және медиа салаларының үздіктері анықталды. Марапатқа ие болған азаматтар артылған сенімге ризашылық танытып, ендігіде бұдан да қарқынды жұмыс істейтіндерін жеткізді.
Ерлан Ибраев, «Жылдың үздік мемлекеттік қызметкері»
Сейфудин Айтбаев, «Жылдың үздік полиция қызметкері»
Рабиға Парманова, «Жылдың үздік медбикесі»
Мейірхан Бақытжанұлы, «Жылдың үздік тілшісі»
Салтанатты шара жайлы толығырақ алдағы күндері арнайы репортаждан біле аласыздар.
Авторлар: Балнұр Зұпарбекқызы, Ерлан Сәрсенбеков
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
