Menu
Санитарлық талапты қатаң сақтауымыз қажет. Әйтпесе қоғамға жеке бастың өзі үлкен қауіп төндіруі мүмкін. Бүгінгі ахуал осыны талап етеді. Айтпағымыз, сапарға шығарда сақ болған жөн. Осыны ескерген Келес аудандық жолаушылар көлігі және автомобиль жолдары бөлімінің ұйымдастыруымен кезекті рейдтік шара өтті.
Жолаушы тасымалында олқылыққа жол жоқ. Осылай деген Келес аудандық жолаушылар көлігі және автомобиль жолдары бөлімінің мамандары республикалық трассада рейдтік шара ұйымдастырды. Аталған тексеру жұмыстарына жергілікті полиция өкілдері де қатысты. Тоқтатылған көліктердің көбінде санитарлық талаптар толық сақталмаған, тіпті, кейбір жүргізушілер бетперде тақпаған. «Мұның барлығы шектеу шараларына сәйкес келмейді»,-дейді мамандар.
Айтбек Әділбеков, Келес аудандық жолаушылар көлігі және автомобиль жолдары бөлімінің бас маманы
«Жолда адам тасымалын жүргізу қағидаттары: көлік арнайы рұқсат алған авто бекеттен шығуы және құлтемірдің іші толық санитарлық талаптарға сәйкес тазалануы маңызды. Сондай-ақ, жүргізуші арнайы тексерістен өтіп, темір тұлпарды тізгіндеуі керек. Адам саны бекітілген нормадан 50 пайызға аз болып, ара қашықтық сақталуы қажет. Жолаушылардың толық бетпердемен отыруы талап етіледі. Осы талаптар сақталған жағдайда ғана жолға шығуға болады. Ал, аталған ережелерді сақтамаған жүргізушілер айыппұл арқалап кете барады»,-дейді маман.
Айтбек Әділбеков, Келес аудандық жолаушылар көлігі және автомобиль жолдары бөлімінің бас маманы
Бүгінгі өткізілген тексеру жұмыстарында бірқатар жүргізушілерге ескерту беріліп, айыппұл салынды. Мамандардың айтуынша, аталған рейдтік шаралар арнайы кестеге сәйкес әр аптада өткізілетін көрінеді.
Мейірхан Бақытжанұлы, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
