Menu
«Nur Otan» партиясы атынан Түркістан облысы мәслихатының депутаты болып Роллан Шерімов сайланды. Ауыл шаруашылығы және туризм саласында ауқымды жұмыстарды атқарып, көпшілікке өз пайдасын тигізіп жүрген атпал азаматпен тілшіміз сұхбаттасып қайтқан болатын.
Роллан Әділетұлы туралы айтар болсақ, өмірлік ұстанымы «білім-өмірдің шырағы». Америка құрама штатындағы жоғары оқу орнын тәмамдап, ғылыми тұрғыда жан-жақты ізденісте болып, озық технологияларды игерген, көпті көрген азамат, туған елін, өскен өлкесін көркейту үшін, Қазақстанымызды одан әрі дамыту мақсатында елге оралып, қазіргі таңда туризм және ауыл шаруашылығы саласында ауқымды жұмыстарды атқарып келеді. Роллан Шерімовтың білімі және кәсіби біліктілігі бір бөлек тақырып болса, оның қайырымды жан екендігін де айрықша айта кеткен жөн. Көпшіліктің айтуынша, Роллан Шерімов, тұрмыс жағайды төмен, мүмкіндігі шектеулі, асыраушысынан айырылған отбасыларға да үнемі көмектесіп келеді. Ал, енді қуанышты жаңалыққа ойыссақ, Роллан Әділетұлы «Nur Otan» партиясы атынан Түркістан облысы мәслихатының депутаты болып сайланды.
Роллан Әділетұлы, Түркістан облысы мәслихатының депутаты
«Менің алға қойған мақсатым – елге қызмет ету. Билік пен халық арасында алтын көпірге айналып, елді мекендерді ауыз сумен, жол, көгілдір отынмен қамтуға өз үлесімді қосу. Тағы да басқа ел арасында күрделі мәселелер көп. Солардың кезең-кезеңмен оңды шешілуіне атсалыссам»,-дейді халық қалаулысы. Айта түссек, Роллан Шерімов Түркістан облысы мәслихатының бюджеттік комиссиясының төрағасы болып та сайланды.
Роллан Әділетұлы, Түркістан облысы мәслихатының депутаты
Сөзді түйіндесек, халық қалаулысы Роллан Әділетұлының алдағы уақытта ауқымды жұмыстардың атқарылуына сүбелі үлес қосатындығына кәміл сенеміз. «Менің мақсатым – игілігі мол тірліктерді іске асырып, көпшіліктің рақметін, алғысын алу»,-дейді депутат Роллан Шерімов.
Авторлар: Қуаныш Құлмырзаев, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
