Menu
Қалың ормандай қаптаған жылыжайы бар Жарты төбеде 2020 жылы халықтың игілігі үшін қандай тірліктер атқарылды? Тілшіміз арнайы Жарты төбе ауылдық округіне барып, ауыл әкімі Абай Ашировпен сұхбаттасып, жүзеге асқан жұмыстармен танысып қайтты.
2020 жылы Жарты төбе ауылдық округінде жүзеге асқан игі істер көп. Елді мекенді көркейтуге бағытталған абаттандыру жұмыстары үздіксіз жалғасуда. «Көшелеріміз асфальттанып, халықты сапалы электр энергиясымен қамту мақсатында электр бағаналары, сымдар, трансформаторлар жаңаға ауыстырылды», міне, осылай деп, былтырғы жылы атқарылған тірліктерді егжей-тегжейлі баяндап берді, ауыл әкімі Абай Аширов.
Абай Аширов, Жарты төбе а/о әкімі
Жарты төбе жылыжайлы өлке. Аталған округ 2020 жылы «Жылыжайды дамытудан озат округ» атанды. Сонымен қоса, ауылдың ырыс-ынтымағы жақсы, бірауыздылық бар. Тұрмыс жағайы төмен жандарға кәсіпкер, демеушілер тарапынан азық-түліктей, киім-кешектей ұдайы көмектер көрсетіліп келеді екен.
Абай Аширов, Жарты төбе а/о әкімі
Осылайша, ауыл әкімі алдағы жоспарларды да тыныстырып өтті. Айта берсек, Жарты төбеде ұзын-сонар тізбекті тірліктер жетерлік.
Авторлар: Қуаныш Құлмырзаев, Айдос Дәулет
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
