Еуропалық комиссияның штаб-пәтерінде Еуропалық одақтың жанындағы Қазақстан Өкілдігінің басшысы Маргұлан Баймұхан мен Еуропалық одағының Ішкі істер және көші-қон мәселелері жөніндегі еурокомиссарының кабинет басшысы Александр Винтерштейнмен кездесу өткізді.
Кездесу барысында тараптар Қазақстан мен ЕО арасындағы ынтымақтастықтың кең ауқымды мәселелерін, соның ішінде көші-қон, шекараны бақылау, азаматтардың жинақтылығы, төтенше жағдайлармен күрес және құқық қорғау органдары арасындағы ынтымақтастық мәселелерін талқылады. Сондай-ақ өзекті мәселелер бойынша пікір алмасты.
М.Баймұхан сұхбаттасын Қазақстанда жүргізіліп жатқан реформалар туралы хабардар етіп, Еуроодақпен ынтымақтастықты одан әрі тереңдетуге дайын екенін атап өтті. Ол көрсетілген салалардағы тығыз кооперация мен ақпарат алмасудың маңыздылығын ерекше атап өтті.
А.Винтерштейн Қазақстанмен көші-қон саясаты саласындағы ынтымақтастықты дамытуға қызығушылық білдіріп, елдің тұрақты әлеуметтік-экономикалық дамуды қамтамасыз етудегі оң тәжірибесін атап өтті.
Тараптар диалогты жалғастыруға және өзара іс-қимылды дамытудың келешегін қарастыруға келісті.
Дереккөз: ҚР СІМ баспасөз қызметі
