Menu
Бәрімізге мәлім, жақында өткен сайлауда «Nur Otan» партиясы жеңіске жетті. Алайда, бұл оңайға түскен жоқ. Себебі халықтың сенімінен шығу оңай шаруа емес. Елдің дауысына ие болу үшін бірталай қызмет атқарып, іс-шараларда белсенділік танытқан азаматтар бүгін партия жетекшісінің алғысына ие болды.
«Nur Otan» партиясы сайлаудағы жеңіс жолында ауданымызда үлкен іс-шаралар өткізді. Сайлауалды штаб мүшелері ауылдық округтер мен шалғай елді мекендерді аралап, тұрғындармен тығыз қарым-қатынаста болды. Онда «Nur Otan» партиясы Сарыағаш аудандық филиалының штабынан 30-дан астам азамат, 60-қа жуық еріктілер, 237 байқаушы және праймеризге қатысқандар, жалпы айтқанда 380 белсенді жеңіске жету үшін жұмыс жасады. Осы істердің басы-қасында болған азаматтар «Nur Otan» партиясының жетекшісі Нұрсұлтан Әбішұлы Назарбаевтың алғыс хатына ие болды.
Рахымберді Оспанов, Сарыағаш қаласының төбе биі
«Nur Otan» партиясы Сарыағаш аудандық филиалы төрағасының бірінші орынбасары Құдірет Қыстаубаев «сайлауалды бағдарламамыз бен атқарылған жұмыстардың арқасында аудан халқының 82 пайызы Nur Otan-ға болысты»,-дейді.
Құдірет Қыстаубаев, «Nur Otan» партиясы Сарыағаш аудандық филиалы төрағасының бірінші орынбасары
«Nur Otan» партиясының жеңіске жетуіне үлес қосқан азаматтардың бірі – Нұрғалы Отаров, істеген жұмысының нәтижесі ретінде партия жетекшісінің алғыс хатын алғанына қуанышты.
Нұрғали Отаров, Сарыағаш аудандық «Жас Отан» жастар қанатының төрағасы
Бүкіл аудан тұрғындары «Nur Otan» партиясының алдағы 5 жылдық бағдарламасымен таныс. Енді, жоспарға сәйкес халықтың әл-ауқаты мен тұрмыстық деңгейін көтеру мақсатында «Nur Otan» тынымсыз еңбек етеді.
Авторлар: Хусниддин Хасанұлы, Ерлан Сәрсенбеков
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
