Өңдеу секторы өзімізді экономикалық жағынан толық қамтамасыз етуі тиіс: 1,8 мың жұмыс орнын құра отырып, 25 машина жасау жобасын іске қосу жоспарланып отыр.
Премьер-Министр Олжас Бектеновтің төрағалығымен өткен Үкімет отырысында машина жасау саласын дамыту мәселесі қаралды. Өнеркәсіп және құрылыс министрі Қанат Шарлапаев, Қазақстан машина жасаушылар одағының төрағасы Мейрам Пішембаев және Өнеркәсіптік инвесторлар одағының президенті Қайрат Еламанов, сондай-ақ Қазақстан автобизнес қауымдастығының вице-президенті Анар Мақашева баяндама жасады.
Өнеркәсіп және құрылыс министрі Қанат Шарлапаев Премьер-Министрге биылғы 9 айда қазақстандық жобаларға шамамен 108,2 млрд теңге салынғанын баяндады. Өткен жылдың сәйкес кезеңімен салыстырғанда инвестиция көлемі 2,2 есеге өсті. 1,8 мың жұмыс орнын құра отырып, құны 76,1 млрд теңгені құрайтын 25 машина жасау жобасын іске қосу жоспарланып отыр.
Дереккөз: ҚР Премьер-министрінің баспасөз қызметі
