Menu
Шаруа қожалығы иелігіндегі 70 гектар жерге егілген бақшаның әр гектарынан 280 центнерден өнім алып, барлығы 1960 тонна бақша өнімдерін өндіргені үшін, Келес ауданы бойынша жыл қорытындысының жеңімпазы Жарқынбек Утеев атанды. Осыған орай, тілшіміз «Бірлік Т.Ш» жауапкершілігі шектеулі серіктестігіне барып, атқарылып жатқан жұмыстарды көріп қайтқан болатын. Толығырақ алдағы бейнематериалда.
Ауыл шаруашылығы саласын дамыту аса маңызды бағыттың бірі. Ал, енді, «Бірлік Т.Ш» жауапкершілігі шектеулі серіктестігіндегі атқарылып жатқан жұмыстарды айтсақ, қазіргі таңда ұсақ мал басын көбейтуге баса мән берілуде. Серіктестіктің басшысы Жарқынбек Утеевтың айтуынша, бүгінгі таңда 600 бастан аса майда тұяқ бар. Әрине, мал басы оңай құралмаған. Ол жылдар бойы тынымсыз еткен еңбектің берекесі.
Жарқынбек Утеев, кәсіпкер
Сонымен қоса, серіктестікте жылқы шаруашылығын дамыту да жақсы жолға қойылған. Жылқымен қоса, ірі қаралар да өсірілуде. Мұндағы жемісті тірліктің тағы бірі – балық шаруашылығы. Оған арнайы көл жасалып, балық өсіру де қолға алынған.
Жарқынбек Утеев, кәсіпкер
Жалғай түссек, серіктестік иелігінде ауыл шаруашылығына арналған техникалар да жетерлік екен. Атап айтсақ, голландық 2 комбайн, шөпті пісіретін құрылғы, шөп оратын, бумалайтын және жер жыртатын тракторларды да көрдік. Бұл техникалардың барлығы көктем келгенде бос тұрмайды.
Жарқынбек Утеев, кәсіпкер
Ал, енді, қуанышты жаңалыққа ойыссақ, шаруа қожалығы иелігіндегі 70 гектар жерге егілген бақшаның әр гектарынан 280 центнерден өнім алып, барлығы 1960 тонна бақша өнімдерін өндіргені үшін Келес ауданы бойынша жыл қорытындысының жеңімпазы – Жарқынбек Утеев атанды. Бұл марапат жылдар бойы төгілген тер мен үздіксіз тірліктің жемісі.
Қуаныш Құлмырзаев, Рахманбек Құралов
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
