Menu
Келес ауданына қарасты ауылдық округтер әкімдері есептік жиындарының кезекті кездесуі Ақтөбе ауылында өтті. Өңір басшысы жергілікті тұрғындармен кездесіп, 2020 жылды саралап, ағымдағы жоспарларымен таныстырды. Жиынға аудан әкімі Ақментай Есбаев арнайы қатысты. Кездесу барысын әріптесім тарқатып айтып береді.
24508 тұрғыны бар Ақтөбе ауылдық округі 14 елді мекеннен тұрады. Ауыл әкімі өзіне қарасты аймақтарды аралап, өткен жылы атқарылған тындырымды тірліктері мен алдағы жоспарларын баяндау мақсатында халықпен кездесті. Жиын басы ауыл әкімі Сүлеймен Жылқыбаевтың баяндамасынан басталды. Әр сала бойынша атқарылған жұмыстарды тізбектеген басшы Ақтөбе ауылдық округіне қарасты Ынтымақ ауылына ағымдағы жылы ауыз су құбырының құрылысы сонымен қатар, Р.Қошқарбаев атындағы 300 орындық мектеп құрылысын аяқтау жұмыстары жүргізілетінін мәлімдеді.
Сүлеймен Жылқыбаев, Ақтөбе а/о әкімі
Жалпы Ақтөбе ауылдық округі аудан аумағындағы халық санымен қатар, жер аумағы бойынша да ең үлкен округтердің бірі. Өткен жылы Ақтөбе ауылдық округінде бірқатар ауқымды шаралар іске асты. Атап айтқанда, «Ауыл – ел бесігі» бағдарламасы аясында Қызыләскер елді мекенінің 12 ішкі көшесіне орта жөндеу жұмыстары жүргізіліп, пайдалануға берілген. Сондай-ақ, округтің орталық ауруханасына күрделі жөндеу жұмыстары жүргізілген. Осындай игі бастамалардың куәсі болған ел ағалары ауыл басшысының жұмысына оң бағаларын берді.
Құрбанәлі Шымбаев, Ақтөбе а/о ата-аналар кеңесінің төрағасы
Ұсайн Жақсыбаев, Жаңа дәуір е/м биі
Айта кетейік, бүгінгі есептік жиын «Facebook» әлеуметтік желісінде тікелей эфирде көрсетілді. Ауыл әкімі әлеуметтік желіден келіп түскен сұрақтарға жауап берді. Жиынды қорытындылаған аудан әкімі Ақментай Есбаев өткен жылы атқарылған жұмыстарға қысқаша тоқталып, ақсақалдар тарапынан қойылған сауалдарға жауап берді. Сонымен қатар, жергілікті тұрғындар үшін жеке қабылдау өткізді.
Авторлар: Әлия Мұхаммедшәмиқызы, Дінислам Тәліпбай
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
