Menu
Президент жарлығымен ҚР парламенті Мәжілісінің және түрлі деңгейдегі мәслихат депутаттарының сайлауы 2021 жылдың 10 қаңтарына белгіленген болатын. Осыған орай, бүгін таңғы сағат 7:00-ден бері аудан аумағындағы сайлау учаскелерінде дауыс беру науқаны басталып кетті.
Бүгін Келес ауданындағы сайлау учаскелерінде өңір тұрғындарына ашық таңдау жасауға барлық жағдай жасалған. Санитарлық талаптар толығымен сақталған. Таңғы сағат 7-ден бері жұмыс жасап тұрған аталмыш учаскелерге азаматтар келіп, өзі таңдаған партиясына дауыс беруде. Сол қатарда аудан әкімі Ақментай Есбаев та Абай ауылында орналасқан №327 сайлау учаскесіне барып, өз таңдауын жасады. «Бұл шараға келестіктер белсене қатысуда»,- дейді аудан әкімі.
Ақментай Есбаев, Келес ауданының әкімі
Ұлт болашағы, ұрпақ келешегі үшін дауыс беріп жатқан өңір тұрғындары саяси науқанда белсенділік танытып, азаматтық борыштарын орындауда. «Бүгін біздің елде маңызды сайлау өтуде, бұған барлық аудан азаматтары жаппай қатысуы парыз»,- дейді тұрғындар.
Балхия Ибраева, Келес ауданының тұрғыны
Фарид Зиядинов, Келес ауданының тұрғыны
Жалпы Келес ауданы бойынша 58 сайлау учаскесі жұмыс жасап тұр. Олардың жұмыс уақыты кешкі сағат 20:00-де тоқтатылады.
Авторлар: Хусниддин Хасанұлы, Ерлан Сәрсенбеков
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
