Menu
2020 жылы Жүзімдік ауылдық округінде қандай жұмыстар атқарылды? Күрделі мәселелердің қаншасы шешімін тауып, қаншасы өтпелі кезеңге қалдырылды? Әкім есебіне барып қайтқан тілшіміз айтып береді.
Ауыл әкімдерінің халық алдындағы есеп беру жиындарының кездесу кестесіне сәйкес, бүгін Жүзімдік ауылдық округінің әкімі халық алдына шықты. Онда әкім өзіне жүктелген міндеттері мен қызметтерінің қаншалықты атқарылғаны жайлы айтты. Жалпы айтқанда, инфрақұрылым жүйесі бойынша біраз істер жүзеге асқан. Ауыз су, көгілдір отын кіріп, электр жүйесі кезең-кезеңімен жаңартылуда. Алайда, кемшіліксіз ауылдың өзі жоқ. Осы орайда, ауыл тұрғындары әкімге көкейлерінде жүрген сұрақтарын қойып, жауабын алды.
Нұрғиса Киікбаев, Жүзімдік а/о тұрғыны
Сондай-ақ, ауыл халқының негізгі табыс көзі мал және егін шаруашылығы. Тіршіліктің көзі болған ағын су егістік үшін басты мәселе. Сондықтан «елді мекендерге кіретін СТК каналын техникалық тазалаудан өткізу қажет»,-дейді тұрғындар.
Алдияр Парманов, Жүзімдік а/о тұрғыны
Кездесу барысында елді мекендердегі ішкі көшелерге жүргізілетін электр жүйесі мен жолдардың мәселесі де көтерілді. Әкім «алдағы уақытта қаржының бөлінуіне қарай ол кемшіліктерді де түзетеміз»,-деді.
Мейрамбек Тәжібаев, Жүзімдік а/о тұрғыны
2020 жылы атқарылған жұмыстарды да айтып өтпесек болмас. «Жүзімдік пен Ақсу елді мекендерін жалғайтын аудандық маңызы бар жол және Жүзімдік елді мекеніндегі Тұрар Рысқұлов, Бәйтерек, Көксарай мен Келес көшелері орта жөндеуден өткізілген. Шоқан Уәлиханов атындағы жалпы орта мектебінің алдынан балаларға арналған ойын-сауық алаңшасы ашылған. Сондай-ақ, Қалмаханов көшесінің 1,7 шақырымына аяқ жол құрылысы жасалған. Ауылдық округтегі 741 абоненттің 687-сі көгілдір отынмен қамтылған»,-дейді әкім.
Оразалы Смайлов, Жүзімдік а/о әкімі
Айта кетейік, ауылдық округ әкімінің елді мекендегі есеп беру кездесуі санитар мамандардың келісімімен, тиісті карантин талаптарын сақтай отырып өткізілді.
Авторлар: Хусниддин Хасанұлы, Ерлан Сәрсенбеков
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
