Бүгін аудандық Жастар ресурстық орталығында және Қапланбек жоғары аграрлық-техникалық колледжінде елімізде Атом электр станциясы (АЭС) салу бойынша 6-қазан күні өтетін референдумға байланысты жастар мен тұрғындарға «Время атома» киносы көрсетілді. Жастар туынды арқылы АЭС-ның ғаламшар мен адам өміріндегі маңызын түсінді. Үздіксіз электр энергиясын өндірудің ел экономикасына қажеттілігін, ғылыми мән-маңыздылығын көз жеткізді. Жастарға АЭС туралы дайындалған арнайы лифлеттер таратылды.
Атом электр станция – атом ядросының энергиясын электр энергиясына айналдыратын қондырғы Қазақстан атом электр станциясының құрылысы бойынша референдум өткізеді. Президент Қасым-Жомарт Тоқаев «Әділ Қазақстанның экономикалық бағыты» атты Қазақстан халқына жолдауында елдің даму үлгісі ретінде өнеркәсіпке баса назар аудара отырып, экономиканы әртараптандыру қажеттігін, жаһандық энергия тапшылығының өсуін ескере отырып, Қазақстан сенімді және экологиялық таза энергия көздеріне аса мұқтаж екенін баса атап өтті.
Атом энергиясы болашақта маңызды энергия көзі бола алады. Оның басты артықшылықтарының бірі – көміртек шығарындыларын азайту арқылы климаттың өзгеруін баяулату. Атом электр станциялары атмосфераға көмірқышқыл газын шығармайды, бұл олардың экологиялық тұрғыдан тиімді болуына ықпал етеді. Сонымен қатар, атом энергиясы тұрақты және сенімді, өйткені атом станциялары ұзақ уақыт бойы үзіліссіз жұмыс істей алады. Олар жаңартылатын энергия көздері сияқты күн мен желге тәуелді емес, бұл энергия өндірісін жоспарлауды жеңілдетеді.
Атом энергиясы болашақта басқа энергия көздерімен бірге әлемнің энергетикалық қажеттіліктерін қанағаттандыруда маңызды рөл атқара алады. Атом электр станциялары (АЭС) еліміздің энергетикалық әлеуетін арттырудың маңызды қадамдарының бірі болып саналады. Әлемнің дамушы елдерінде АЭС тұрақты және тиімді жұмыс істеп, оларды энергияның сенімді көзі ретінде пайдаланып келеді. Қазақстан үшін де осындай технологияларды қолдану уақыты жетті. АЭС салуда ең басты назар қауіпсіздікке аударылуы қажет. Мұндай жобаларды жүзеге асыруды құрылыс сапасы мен технологиялық стандарттарға сәйкес әлемнің жетекші елдерімен бірге атқару маңызды, себебі АЭС құрылысы сапасыздықты кешірмейді. Қазақстанда салынатын атом электр станцияларында МАГАТЭ талаптарына сай келетін III және III+ буын реакторлары қолданылатын болады, бұл өз кезегінде экологиялық қауіпсіздікті қамтамасыз етеді. Ең бастысы – атмосфераға СО2 шығарындыларының таралмауы және табиғатқа зиян келтірмеу. Барлық талаптар сақталса, АЭС салу еліміз үшін оң қадам болары сөзсіз.
