Menu
Ата-анасына денсаулық сыйлағысы келетіндер үшін жағымды жаңалық! Минералды суымен әлемге танылған «Сарыағаш» емдеу-оңалту кешенінде қысқы науқан басталды. Қаңтар айының 1-нен бастап, 2021 жылдың 1-наурызына дейін жалғасатын акция аясында жолдамаларға 20 пайызға дейінгі жеңілдіктер жасалмақ. Ол қандай жеңілдіктер? Тілшімізді тыңдайық.
Сарыағаш курортында ең алғашқы болып бой көтерген «Сарыағаш» емдеу-оңалту кешені, яки бұрынғы Кәсіподақ шипажайының өзгелерден артықшылығы – минералға бай, сан түрлі ауруға ем, шипалы су ұңғымасының болуында. Құрамында 30-дан астам микроэлемент бар емдік су – асқазан-ішек жолдары, зәр шығару, өт жолдары мен буын және эндокринді жүйе ауруларында, сонымен бірге, ауыр металдармен созылмалы интоксикация, тері аурулары үшін таптырмас ем,-дейді «Сарыағаш» шипажайының алтын дәрігері Асылхан Тайжанұлы.
Асылхан Жүнісов, «Сарыағаш» емдеу-оңалту кешенінің дәрігері
Айта кетейік, Көктерек кентінде орналасқан 50-ге жуық шипажайдың бірде-бірінде дәл осы «Сарыағаш» шипажайындағыдай үлкен саябақ пен әсем табиғат кездеспейді. Одан бөлек, 1999 жылдан бері емдеу-оңалту кешені балшықпен емдеу әдісін де енгізді. Бұл ем-шара буын, омыртқа және әйелдер мен ерлерде кездесетін түрлі ауруларды емдеуде кеңінен қолданылады.
Асылхан Жүнісов, «Сарыағаш» емдеу-оңалту кешенінің дәрігері
«Сарыағаш» емдеу-оңалту кешенінің тағы бір артықшылығы – мекемеде бір мезетте 674 адамды қамту мүмкіндігіне ие 8 корпус бар. Емдеу блогы мен асхана және әкімшілік орталықтар жеке ғимараттарда орналасқан. Бұл – демалушылардың таза ауада кең тыныстап, салауатты өмір сүруіне мүмкіндік береді.
Сапарәлі Байжігітов, Төле би ауданының тұрғыны
Айта кетейік, еліміздің түкпір-түкпірінен келетін демалушылар үшін барынша қолайлы жағдай жасау мақсатында, шипажай басшылығы арнайы акция қолға алды. Атап айтқанда, қаңтар айының 1 мен наурыз айының 1 жұлдызына дейін барлық категориядағы нөмірлерге 20 пайызға дейінгі жеңілдіктер жасалмақ. Барлық тұрғындар үшін қолжетімді, тәулігі – 9500 теңгелік стандарт нөмірлерге және жартылай люкстерге – 10%, люкстерге – 15%, ал, вип люкс нөмірлерге – 20% жеңілдетілген баға бекітілді. Аталған нөмір құнына – үш мезгіл ыстық тамақтану және негізгі емдік процедуралар кіреді. Ендеше, жақын жандарыңызды жаңа жылда жақсылап қуантуға асығыңыз, ағайын!
Авторлар: Нағима Әбдірахым, Ерлан Сәрсенбеков
Материалдарды толық және ішінара көшіріп алуға тыйым салынған. Сайт материалдарын пайдаланған жағдайда, ресурсқа сілтеме беріңіз.
