Қазақстан Республикасының Иордан Хашимит Корольдігіндегі Елшісі Талғат Шалданбай Иорданияның Инвестиция министрі Мусанна Гарайбемен кездесті.
Сұхбат барысында тараптар энергетика саласында, фармацевтикада және өзара қызығушылық тудыратын басқа да салаларда бірлескен жобаларды іске асыру перспективаларына назар аударып, ағымдағы инвестициялық ынтымақтастықты талқылады.
Тараптар инвестициялық ағындарды жандандыру және іскерлік ынтымақтастықты ынталандыру үшін қолайлы жағдайлар жасау бойынша қолдау көрсетуге дайын екенін білдірді.
Осы тұрғыда Елші екіжақты сауда-экономикалық және инвестициялық қатынастарды дамыту процесіне Иордания іскерлік қауымдастығын тартудың маңыздылығын атап өтті. Елімізде Қазақстан-Иордания бизнес-форумын өткізудің орындылығына назар аударды және М. Гарайбеге Астана халықаралық форумына шақыруды табыс етті.
Иордания Инвестиция министрі шақыруды ризашылықпен қабыл алып, Қазақстан және Иордания кәсіпкерлерінің қатысуымен іскерлік іс-шараны өткізуге қолдау білдірді.
Дереккөз: Ақорда
